هاذِ الدِّنيَ لاهِ تَخْلَ =تَعْگَبْ لَگْصَانِ مِن لِخْلَ 

صِرْتَكْ ذِ مَا تَبْگَ مَسْلَ =مارِتهَ عَنْدَكْ راعِ شَوْفْ
ذَ العِلْبْ الْ عَندَكْ مِنْ گِبْلَ= گَطْ الْگَيْتْ الْ مِنُّ مَژْدُوفْ
اعْلِيهْ ، افْ خَلْوَ مِنْ لِخْلَ =. فَيْدُ وَبْرْ اخْرُوفْ ؤُمَنشُوفْ
اِمْتَوَّزْ بيهْ اعْلَ نَزْلَ =ؤُهُوَّ مَا گَطْ اُوگِفْ مَعْرُوفْ .
واعطيتْ امعاهْ اشوَيْ اعْلَ= مَنبَ ذ السِّلْكْ اُوقَيْتْ اُوگُوفْ
واگعَدْنَ - يَلِّ يَغْفَرْ لِ =- وظَلَّيْنَ فَمْ ؤلا معروفْ
النَ گِدْ اِظْفرْ كونْ الِّ= ذاكْ الغزْلْ الِّ وَبْرْ اخْرُوفْ
وَلَّ صوفْ ، ؤذاكْ امَّلِّ= گاعْ اعْگبْ كامِلْ وَلَّ صوفْ